Psalms 118
1Iehova ba hanamoa, badina be ia na namo;ena hebogahisi e hesiriu hanaihanaimu.
2Israel na baineto,
lena hebogahisi e hesiriu hanaihanaimu.
3Aaron ena iduhu baineto,
lena hebogahisi e hesiriu hanaihanaimu.
4Iehova garina e garimu taudia baeto,
lena hebogahisi e hesiriu hanaihanaimu.
5Egu hisihisi lalona amo Iehova na boi henia,
bena Iehova ese e haere henigu,
bona e ruhagu nege.
6Iehova na lau badibadigu ai dainai lau na asina garimu:
taunimanima ese ede bae hadikagu toma?
7Iehova na lau badibadigu ai, ikahagu totona;
e inai henigumu taudia baina hadareredia.
8Iehova enai baita roho mauri be namo,
taunimanima baita abidadama henidia na dika.
9Iehova enai baita roho mauri be namo,
hanua pavapavadia baita abidadama henidia na dika.
10Bese iboudiai e ḡeḡegu ahu,
a Iehova ladana ai na hadareredia.
11E geḡegu ahu, kaha iboudiai amo e kougu,
a Iehova ladana ai na hadareredia.
12E daigu kou, nanigo na heheto,
e hururu-hururu, ava ḡiniḡini e aramu na heto,
a Iehova ladana ai na hadareredia.
13E dorigu lalo-dika, mokona na keto,
a Iehova ese e durugu.
14Iehova na egu goada bona egu ane;
ia na vada e hamaurigu.
15A hakala, kwalimu moale anedia,
kara maoromaoro taudia edia kalaga ai;
Iehova imana idibana na e ḡaukaramu mai kwalimuna ida.
16Iehova imana idibana eme heabi isi,
Iehova imana idibana na e ḡaukaramu mai kwalimuna ida.
17Lau na basina mase, a do baina mauri;
Iehova ena kara baina gwauraidia.
18Iehova ese matagu vada e hakania, mata-hakani aukana amo,
a se negegu mase enai.
19Kara maoromaoro ikoukoudia na egu ai a kehodia,
bena idia edia amo baina raka vareai,
bona Iehova baina hanamoa.
20Iehova ena ikoukou binai,
kara maoromaoro taudia na iena amo bae raka vareai.
21Lau na hanamomumu, badina be vada o haere henigu,
bona vada o hamaurigu.
22Ruma ilarebana taudia ese e dadaraia nadina na
daiguni nadina ai vada ela.
23Ina na Iehova ena kara;
ta itaiamu, ta hoamu.
24Ina na Iehova vada e karaia dinana;
ia lalonai baita hisi dae, baita moale.
25Iehova e, ai a noimumu, ba hamaurimai;
Iehova e, ai a noimumu, kwalimu ba henimai.
26Iehova ladana ai e maimu tauna aita hanamoa;
Iehova ena ruma lalona amo vada a hanamomuimu.
27Iehova na Dirava,
ia ese diari vada e henida.
Ba aru lao, imamui mai au heraheradia ida,
ela bona ihaboulaina patana doana.
28Oi na egu Dirava, baina hanamomu,
oi na egu Dirava, baina heatolaimu.
29Iehova ba hanamoa, badina be ia na namo;
badina be ena hebogahisi e hesiriu hanaihanaimu.
Copyright information for
MEU